Ветеринардык Эскпедиция-2023 ийгиликтүү аяктады.
2023-жылдын 18-21 сентябрларында Жалал-Абад облусунун Сузак районунда жана
Жалал-Абад шаарында Ветеринардык Эскпедиция – 2023 долбоору ишке ашырылды.
Долбоордун алкагында Сузак
районундага 3 орто мектептердин
окуучулары, мугалимдери акысыз УЗИ
текшерүүлөрдөн өтүштү, мектеп окуучулары арасында эхинококкоз ылаңы менен
күрөшүү багытында агартуу иш-чаралары жүргүзүдүү, жеке ветеринардык врачтардын,
Жалал-Абад мамлекеттик университетинин ветеринардык бөлүмүнүн студенттеринин
катышуусунда ит/мышыктарга кастрация, стрелизация операцияларын жүргүзүлдү,
иттерден тирүү мезгилинде эхинококктун жумурткаларын аныктоо ыкмаларын көрсөтүү
окуулары да болуп өттү.
Узи долбоорунун жыйынтыгы боюнча
840 окуучу 3 мектептен (Манас, Комсомол, Мичурин) текшерүүдөн өтүп, 2 окуучу
альвеококкозго шектелип, 3 окуучу эхинококкозго кабылган. Алардын ата-энелери
менен сүйлөшүүлөр жүргүзүлүп, толук текшерүүгө жиберилишкен. Жогоруда аталган
мектептерде ар кандай оорулар боюнча туруктуу негизде ачык сабактар өткөрүлүп
турарын жана окуучулар дилбаян жазып, аларга ата-энелери кол коюп, таанышып
чыгышарын мектептердин директорлору белгилешкен. Долбоордун алкагында мектеп
окуучулары үчүн атайын даярдалган гигиена эрежелери салынган баштыктар
таратылып, түшүндүрүү иштери жүргүзүлдү.
Даниель Фигель Жалал-Абад шаарында ЖАГУнун,ОшМУнун жана колледждин ветеринардык факультеттеринин студенттери үчүн Паразитология боюнча тренинг өткөрдү, ошондой эле иттерди/мышыктарды кастрациялоо, атуу иштерин бирге жүргүздү.
